«Вест Хэм» клубининг нидерландиялик вингери Крисенсио Саммервилл Мадриднинг «Реал» клуби трансфер рўйхатидан жой олди. Бу ҳақда talkSPORT нашри хабар тарқатмоқда.

Манбанинг берган маълумотларига кўра, «Реал» Саммервиллни сотиб олиш имкониятларини ўрганиш мақсадида дастлабки суриштирувларни бошлаб юборган. «Болғачилар» Англия Премьер-лигасини тарк этганидан сўнг, вингер жорий ёзги трансфер ойнасида жамоадан кетиши кутилмоқда.

Айни дамда Саммервилл Нидерландия терма жамоаси сафида Жаҳон чемпионатида иштирок этмоқда. Қайд этилишича, футболчи Мадрид клубидан ташқари «ПСЖ» ва «Манчестер Юнайтед» каби грандлар эътиборида ҳам турибди.

2025/26 йилги мавсумда Саммервилл барча турнирларда 34 та учрашувда майдонга тушиб, жамоасининг ҳужумларида катта ҳажмдаги ишни бажарди — унинг ҳисобида 7 та гол ва 5 та голли узатма мавжуд.