Жаҳон чемпионати – 2026 гуруҳ босқичининг 2-туридан ўрин олган ўйинда Сенегал терма жамоаси Норвегия миллий жамоаси билан тўқнаш келди. Африкаликлар 2:3 ҳисобида мағлубиятга учрашди.
Учрашув якунланганидан сўнг Сенегал терма жамоаси ярим ҳимоячиси Исмаила Сарр ОАВ вакиллари билан суҳбатлашди.
«Норвегияликларга қарши ўйинда биз учун осон бўлмади. Якуний натижадан ҳафсаламиз пир бўлди. Аммо жамоамиз учун ҳали ҳеч нарса тугагани йўқ. Олдинда бизни учинчи ўйин кутмоқда. Ғалаба қозониш учун кўп меҳнат қиламиз», — дея ярим ҳимоячининг сўзларини келтиради ФИФА матбуот хизмати.
Гуруҳ босқичининг сўнгги турида Сенегал терма жамоаси 26 июнь куни Ироқ жамоаси билан куч синашади.
