Jahon chempionati – 2026 guruh bosqichining 2-turidan o‘rin olgan o‘yinda Senegal terma jamoasi Norvegiya milliy jamoasi bilan to‘qnash keldi. Afrikaliklar 2:3 hisobida mag‘lubiyatga uchrashdi.
Uchrashuv yakunlanganidan so‘ng Senegal terma jamoasi yarim himoyachisi Ismaila Sarr OAV vakillari bilan suhbatlashdi.
«Norvegiyaliklarga qarshi o‘yinda biz uchun oson bo‘lmadi. Yakuniy natijadan hafsalamiz pir bo‘ldi. Ammo jamoamiz uchun hali hech narsa tugagani yo‘q. Oldinda bizni uchinchi o‘yin kutmoqda. G‘alaba qozonish uchun ko‘p mehnat qilamiz», — deya yarim himoyachining so‘zlarini keltiradi FIFA matbuot xizmati.
Guruh bosqichining so‘nggi turida Senegal terma jamoasi 26 iyun kuni Iroq jamoasi bilan kuch sinashadi.
