«Аталанта»нинг қанот ҳимоячиси Марко Палестра Лондоннинг «Челси» клубига ўтиши мумкин. Бу ҳақда журналист Лука Черчионе хабар бермоқда.

Манбага маълум бўлишича, ўтган тунда «Челси» 21 ёшли футболчи учун «Аталанта»га 55 миллион евродан кўпроқ маблағ таклиф қилган. Бироқ таъкидланишича, Палестранинг ўзи «Интер»га ўтишни хоҳламоқда.

Шу билан бирга, агар «Челси» янада фойдалироқ шартнома шартларини таклиф қилса, ҳимоячи ўз қарорини ўзгартириши истисно қилинмайди. Аммо айни пайтда трансфер пойгасида «Интер» етакчилик қилмоқда.

А Сериянинг якунланган мавсумида Палестра ижара асосида «Кальяри» сафида ҳаракат қилди. У 37 та ўйин ўтказиб, битта гол урди ва тўртта голли узатмани амалга оширди.