Мадриднинг «Реал» клуби ҳужумчиси Килиан Мбаппе Франция терма жамоаси сафида Мюнхеннинг «Бавария» клуби вингери Майкл Олисе билан бирга тўп суриш ҳақида ўз фикри билан ўртоқлашди.
«Майдонда Олисе билан ўзаро боғлиқлигимиз? У билан ўйнаш жуда осон. У бошини кўтарган ҳолда ўйнаб, ҳамма нарсани соддалаштиради. Майкл майдондаги ҳаракатларимни доим кўриб туради. Олисе билан ўйнаш менга ёқади», — деди Мбаппе.
Майкл Олисе 2024 йилдан буён Франция терма жамоаси сафида ҳаракат қилиб келмоқда. Умумий ҳисобда вингер «учранглилар» сафида 19 та ўйин ўтказди ва еттита гол урди. Килиан Мбаппе миллий жамоа шарафини 2017 йилдан бери ҳимоя қилади. Ҳужумчи Франция терма жамоаси сафида 100 та ўйинда майдонга тушиб, 60 та гол киритган.
