"Челси" собиқ бош мураббийи Авраам Грантга Исроил терма жамоасини бошқаришни таклиф қилишди. Исроил футбол федерацияси президенти Ави Лузон 58 ёшли мутахассис билан аллақачон учрашишга ҳам улгурган.
Аввалроқ амалдаги бош мураббий Эли Гуттманнинг ЖЧ-2014 саралаши билан якунига етадиган шартномаси узайтирилмаслиги хабар қилинганди.
Эслатиб ўтамиз, Грантга бу жамоа бегона эмас. У 2002-2006 йилларда ҳам Исроилда фаолият олиб борган.