Хорватия терма жамоаси ҳужумчиси Анте Будимир ЖЧ-2026 гуруҳ босқичи 2-туридан ўрин олган Панамага қарши ўйинда рақиб дарвозасини ишғол этиб, рекордчига айланди.
«Осасуна» футболчисининг аниқ зарбаси баҳсда ягоналигини сақлаб қолди. «Opta» маълумотларига кўра, Будимир 34 ёш ва 337 кунлигида Хорватия терма жамоаси тарихида жаҳон чемпионатларида гол урган энг ёши катта футболчига айланди. Ҳужумчи Ивица Олич томонидан 2014 йилда ўрнатилган аввалги рекордни (34 ёш ва 277 кун) янгилади.
«Шахматчилар» уч очко билан L гуруҳи турнир жадвалида учинчи поғонани эгаллаб туришибди ва ҳисобида тўрттадан очко бўлган Англия ҳамда Ганадан ортда қолмоқдалар. Сўнгги турда хорватлар ганаликларга қарши майдонга тушишади.
