Xorvatiya terma jamoasi hujumchisi Ante Budimir JCH-2026 guruh bosqichi 2-turidan o‘rin olgan Panamaga qarshi o‘yinda raqib darvozasini ishg‘ol etib, rekordchiga aylandi.
«Osasuna» futbolchisining aniq zarbasi bahsda yagonaligini saqlab qoldi. «Opta» ma’lumotlariga ko‘ra, Budimir 34 yosh va 337 kunligida Xorvatiya terma jamoasi tarixida jahon chempionatlarida gol urgan eng yoshi katta futbolchiga aylandi. Hujumchi Ivisa Olich tomonidan 2014 yilda o‘rnatilgan avvalgi rekordni (34 yosh va 277 kun) yangiladi.
«Shaxmatchilar» uch ochko bilan L guruhi turnir jadvalida uchinchi pog‘onani egallab turishibdi va hisobida to‘rttadan ochko bo‘lgan Angliya hamda Ganadan ortda qolmoqdalar. So‘nggi turda xorvatlar ganaliklarga qarshi maydonga tushishadi.
