ЖЧ-2026 гуруҳ босқичининг иккинчи туридан ўрин олган Португалия — Ўзбекистон баҳси турнинг энг кўп томошабин ташриф буюрган ўйинлари рўйхатидан жой олди.
Хьюстон шаҳридаги NRG Stadium аренасида бўлиб ўтган учрашувни 68 777 нафар мухлис стадиондан туриб кузатди. Бу кўрсаткич мазкур баҳсга иккинчи турнинг энг кўп томошабин йиғган ўйинлари рейтингида еттинчи ўринни тақдим этди.
Турнинг энг кўп мухлис йиғган баҳси Норвегия — Сенегал учрашуви бўлиб, уни 80 663 нафар томошабин кузатган. Кейинги ўринлардан Аргентина — Австрия (70 649) ҳамда Бельгия — Эрон (70 317) баҳслари жой олди.
ЖЧ-2026. Иккинчи турнинг энг кўп томошабин йиғган ўйинлари
-
Норвегия — Сенегал — 80 663
-
Аргентина — Австрия — 70 649
-
Бельгия — Эрон — 70 317
-
Швейцария — Босния ва Герцеговина — 70 026
-
Туркия — Парагвай — 68 827
-
Нидерландия — Швеция — 68 777
-
Португалия — Ўзбекистон — 68 777
-
Эквадор — Кюрасао — 68 598
-
Иордания — Жазоир — 68 371
-
Бразилия — Гаити — 68 324
Эслатиб ўтамиз, Португалия — Ўзбекистон учрашуви Европа жамоасининг 5:0 ҳисобидаги ғалабаси билан якунланган эди. Голларга Криштиану Роналду (дубль), Нуно Мендеш ва Рафаэл Леау муаллифлик қилди. Яна бир гол эса Ўзбекистон дарвозабони Абдувоҳид Неъматовнинг автоголи сифатида қайд этилди.
