Испания терма жамоаси ҳимоячиси Марк Кукурелья вингер Ламин Ямални кўрсатаётган ўсиши ҳақида ўз фикрларини билдириб ўтди.

«Ямал футболчи ва шахс сифатида жуда тез улғаймоқда. Евродан кейинги ўтган икки йил ичида у сезиларли даражада ўсди. Ҳозир у анча вазмин ва мулоҳазали бўлиб қолган. Ёшига қарасангиз — у ҳали ҳам болакай, лекин майдонда ва ҳаётда ҳақиқий эркакдек ҳаракат қилади. Ёш — бу шунчаки рақам, мен унда жуда улғайган инсонни кўряпман», — дея Кукурельянинг сўзларини келтиради Marca нашри.

Эслатиб ўтамиз, Испания терма жамоаси амалдаги Европа чемпиони ҳисобланади. Луис де ла Фуэнте шогирдлари Жаҳон чемпионати гуруҳ босқичининг икки туридан сўнг 4 очко жамғарган ҳолда «H» гуруҳида пешқадамлик қилмоқда. «Қизил фурия» дастлабки турда Кабо-Верде (0:0) билан дуранг ўйнади ва иккинчи турда Саудия Арабистонини (4:0) мағлубиятга учратди.