Лионель Месси чоршанба куни ўзининг 39 ёшлик таваллуд айёмини нишонлади. Аргентина терма жамоасидаги шериги Хулиан Альварес сардорни туғилган куни билан табриклади.
«Ҳаётимизни ўзгартирган, бизга унутилмас лаҳзаларни туҳфа этган ва орзулар ушалишига бизни ишонтирган инсонга... Энг гўзали сенинг ўйинингни кузатиш эмас, балки бу лаҳзаларни сен билан бирга яшаб ўтиш бўлди! Туғилган кунинг билан, капитан, биз сени яхши кўрамиз. Сенга чексиз бахт тилайман», — деб ёзди Альварес ўзининг ижтимоий тармоқлардаги саҳифасида.
Эслатиб ўтамиз, 2022 йилда Аргентина терма жамоаси жаҳон чемпионига айланган эди. Ҳозирда «альбиселесте» ўз унвонини ҳимоя қилмоқда. Лионель Скалони шогирдлари икки турдан сўнг плей-офф йўлланмасини нақд қилиб улгурган.
