Lionel Messi chorshanba kuni o‘zining 39 yoshlik tavallud ayyomini nishonladi. Argentina terma jamoasidagi sherigi Xulian Alvares sardorni tug‘ilgan kuni bilan tabrikladi.
«Hayotimizni o‘zgartirgan, bizga unutilmas lahzalarni tuhfa etgan va orzular ushalishiga bizni ishontirgan insonga... Eng go‘zali sening o‘yiningni kuzatish emas, balki bu lahzalarni sen bilan birga yashab o‘tish bo‘ldi! Tug‘ilgan kuning bilan, kapitan, biz seni yaxshi ko‘ramiz. Senga cheksiz baxt tilayman», — deb yozdi Alvares o‘zining ijtimoiy tarmoqlardagi sahifasida.
Eslatib o‘tamiz, 2022 yilda Argentina terma jamoasi jahon chempioniga aylangan edi. Hozirda «albiseleste» o‘z unvonini himoya qilmoqda. Lionel Skaloni shogirdlari ikki turdan so‘ng pley-off yo‘llanmasini naqd qilib ulgurgan.
