Камерун терма жамоасидаги фаолиятини якунлаганини эълон қилган Самуэль Это`О ўз қарорининг сабабини изоҳлади. Бу ҳақда SuperSport хабар тарқатган.
"Челси" янги аъзосининг қайд этишича, бу қарорга "оилавий сабаблар" туфайли келган.
Аввалроқ хорижий ОАВда унинг бош мураббий Фолькер Финке билан келиша олмай қолгани ёзилганди.
Эслатиб ўтамиз, Это`О ўтган йили ёзда ҳам Камерун термасида ўйнашдан бош тортган, аммо сентябрда яна жамоага қайтганди.
Статистиканинг гувоҳлик беришича, жамоа юлдузи 16 ёшидан буён терма шарафини ҳимоя қилиб келмоқда. Унинг ҳисобида 112 ўйинда урилган 55та гол бор. У Африканинг тўрт карра энг яхши ўйинчиси дея эътироф этилган.