"Кристал Пэлас" клуби марказий ҳимоячиси Максанс Лакруа фаолиятини "Челси"да давом эттириши мумкин. Бу ҳақда журналист Николо Скира хабар бермоқда.
Манбанинг берган маълумотларига кўра, "Челси" 26 ёшли франциялик футболчи билан шахсий шартнома шартларини келишиб олган. Агар трансфер амалга ошса, Лакруа клуб билан 2032 йилгача мўлжалланган меҳнат шартномасини имзолайди. Эндиликда пойтахт жамоаси "бургутлар" билан келишувга эришиш устида иш олиб бормоқда. Миш-мишларга қараганда, трансфер суммаси 40 миллион еврони ташкил қилиши мумкин.
2025/26 йилги мавсумда Лакруа барча турнирларда жами 55 та учрашувда майдонга тушиб, учта гол урди ва ўз ҳисобига учта голли узатмани ёздириб қўйди.
