Ҳужумчи Лиам Делап шу ёзда "Челси"ни тарк этиши мумкин.

Журналист Бен Джейкобснинг берган маълумотларига кўра, форвардни ўз сафига қўшиб олишга "Тоттенхэм" клуби қизиқиш билдирмоқда. "Кўклар" ўз футболчисини сотишга тайёр, бироқ 40 миллион фунт-стерлингдан кам бўлган таклифларни кўриб чиқишмоқчи эмас.

Лиам Делап 2025 йилда "Ипсвич"дан "Челси"га 35 миллион евро эвазига ўтган эди. Унинг Лондон клуби билан амалдаги шартномаси 2031 йилнинг 30 июнига қадар мўлжалланган. 2025/26 йилги мавсумда ҳужумчи "кўклар" сафида барча турнирларда 41 та учрашувда майдонга тушиб, иккита гол урди ва тўртта голли узатмани амалга оширди. Transfermarkt портали Делапнинг қийматини 28 миллион еврога баҳоламоқда.