Голкипер Антонин Кински янги беш йиллик шартнома орқали ўз келажагини Лондоннинг "Тоттенхэм" клуби билан боғлайди. Бу ҳақда The Athletic нашри ёзмоқда. Роберто де Дзерби "шпорлар" бош мураббийи этиб тайинланганидан сўнг, Кински клубнинг асосий дарвозабонига айланди.
Кичик Кински — "Сатурн" клуби собиқ дарвозабони Антонин Кинскининг ўғли ҳисобланади. Ёш посбон бундан бир ярим йил аввал Праганинг "Славия" клубидан трансфер қилиниб, Лондон клуби аъзосига айланган эди. Якунланган мавсум доирасида у 10 та учрашувда майдонга тушиб, ўз дарвозасидан жами 12 та гол ўтказиб юборди.
Эслатиб ўтамиз, бундан аввалроқ "Тоттенхэм" дарвоза чизиғини Англия Премьер-лигасида "Ньюкасл" шарафини бир неча йил давомида ҳимоя қилган тажрибали дарвозабон билан кучайтириб олган эди.
