«Челси» клуби ярим ҳимоячи Энцо Фернандеснинг «Реал»га ўтиши эҳтимоли туфайли унинг ўрнига муносиб ўринбосар излаш бўйича кенг кўламли ишларни бошлади. Бу ҳақда «TEAMtalk» нашри хабар бермоқда.

Манбанинг хабарига кўра, лондонликларнинг трансфер мақсадлари қаторидан қуйидаги футболчилар жой олган: Адам Уортон («Кристал Пэлас»), Ману Коне («Рома»), Ламин Камара («Монако»), Виктор Фрохольдт («Порту»), Калеб Йиренки («Норшелланн»).

Бундан ташқари, Лондон клуби таркибни тажрибали футболчилар билан ҳам кучайтириш имкониятини кўриб чиқмоқда. Шу сабабли, клуб ичида «Пари Сен-Жермен»нинг 30 ёшли ярим ҳимоячиси Фабиан Руис номзоди ҳам фаол муҳокама қилинмоқда.