Мадриднинг «Реал» клуби собиқ ҳужумчиси Хоселу «қаймоқранглилар» йирик совринларни қўлга кирита олмаган сўнгги икки мавсумда жамоага айнан нима етишмагани ҳақида ўз фикрини билдирди.

«Менимча, кийиниш хонасида иерархияни ўрнатиш керак. Ҳозир жамоада ким биринчи рақамли ўйинчи эканлиги унчалик тушунарли эмас. «Реал»да доим биринчи рақам, кийиниш хонасида катта обрў-эътиборга эга инсонлар бўлган. Менимча, айни пайтда айнан мана шу нарса етишмаяпти. Винисиус, Лунин ва Вальверде — жуда ёш сардорлар. «Ҳой, бўлди, етар» дея оладиган жасоратга эга тажрибали футболчилар керак. Якунда, кийиниш хонасида жиддийлик бўлиши лозим. Менимча, «Реал»га айнан шу нарса етишмади», — деди Хоселу «Bajo los Palos» подкастида.

Эслатиб ўтамиз, Хоселу «Реал» сафида 2023 йилдан 2024 йилгача тўп сурган.