Бугун, 26 июнь куни футбол бўйича 2026 йилги Жаҳон чемпионати «I» гуруҳи 3-туридан ўрин олган Норвегия ва Франция терма жамоалари ўртасидаги учрашув бўлиб ўтади. Ўйин «Джиллетт» стадионида (Фоксборо, АҚШ) ўтказилади. Баҳсда бош ҳакам сифатида Майкл Оливер (Ашингтон, Англия) фаолият олиб боради. Ҳакамнинг старт ҳуштаги Тошкент вақти билан соат 00:00 да чалинади.

Норвегия: Сельвик, Эстигор, Бьёркан, Фальхенер, Берг, Эурснес, Торстведт, Осгор, Шельдеруп, Бобб, Ларсен.

Франция: Меньян, Юпамекано, Кунде, Т. Эрнандес, Лакруа, Коне, Тчуамени, Дембеле, Мбаппе, Олисе, Дуэ.

«I» гуруҳидаги икки турдан сўнг Норвегия терма жамоаси олти очко жамғариб, иккинчи ўринни эгаллаб турибди. Франция ҳам олти очко билан биринчи поғонадан жой олган. Ҳар икки жамоа муддатидан аввал плей-офф йўлланмасини ҳал қилиб бўлган. Учинчи ўринда Сенегал (0), тўртинчи поғонада эса Ироқ (0) бормоқда.

Гуруҳ босқичи 11 июндан 27 июнга қадар давом этади. Жамоалар ўзаро бир давралик тизимда (ҳар бири учтадан ўйин) баҳс олиб боришади. Ҳар бир гуруҳдан иккита энг яхши терма жамоа, шунингдек, учинчи ўринни эгаллаган энг яхши саккизта жамоа плей-офф босқичига йўл олади.