Бугун, 26 июнь куни футбол бўйича 2026 йилги Жаҳон чемпионати «I» гуруҳидан ўрин олган Сенегал ва Ироқ терма жамоалари ўртасидаги учрашув бўлиб ўтади. Жамоалар Торонтодаги (Канада) «Би-Эм-О Филд» стадионида майдонга тушишади. Учрашувни Энтони Тейлор (Англия) бошчилигидаги ҳакамлар бригадаси бошқариб боради. Ўйин Тошкент вақти билан соат 00:00 да бошланади.
Жамоаларнинг бошланғич таркиблари:
Сенегал: Дио, Ньякате, Сек, Якобс, Диатта, Гейе, Камара, Диарра, Сарр, Мане, Мбайе.
Ироқ: Басил, Хашем, Доски, Путрос, Сулака, Икбаль, Ал-Аммари, Байеш, Ал-Хамади, Касем, Жасим.
Ироқ терма жамоаси «I» гуруҳи турнир жадвалида тўртинчи ўринни эгаллаб турибди. Жамоа ўтказилган иккита ўйинда бирорта ҳам очко жамғара олмади. Сенегал эса учинчи поғонадан жой олган бўлиб, улар ҳам ҳали очко ишлаб олишгани йўқ. Биринчи ўринни Франция (6 очко) эгаллаб турибди.
