Аргентина терма жамоаси ҳужумчиси Лионель Месси ЖЧ-2026 гуруҳ босқичи 3-туридан ўрин олган Иорданияга қарши учрашувни асосий таркибда бошламайди.

Манбанинг хабар беришича, Жанубий Америкаликлар бош мураббийи Лионель Скалони муддатидан олдин кейинги босқич йўлланмаси нақд қилингани боис жамоа сардорига дам беришни лозим топган. Эртанги баҳсда ҳужум чизиғида Лаутаро Мартинес ва Хулиан Альварес тандеми илк дақиқалардан майдонга тушиши кутилмоқда.

Маълумот учун, Месси айни дамда 5 та гол билан Жаҳон чемпионати тўпурарлар пойгасида якка пешқадамлик қилмоқда.

Аргентина терма жамоаси "J" гуруҳида дастлабки икки турдан сўнг 6 очко жамғариб, муддатидан олдин плей-офф йўлланмасини қўлга киритган. Гуруҳдаги вазият қуйидагича: Аргентина (6 очко), Австрия ва Жазоир (3 очкодан), Иордания (0 очко).

Эслатиб ўтамиз, Иордания — Аргентина учрашуви 28 июнь куни Тошкент вақти билан соат 07:00 да бошланади.