Колумбия терма жамоаси ҳимоячиси Жон Лукуми Криштиану Роналду ва Португалия терма жамоасига қарши бўлажак учрашув ҳақида ўз фикрлари билан ўртоқлашди. «K» гуруҳида биринчи ўрин учун баҳс 28 июнь куни Тошкент вақти билан 04:30 да бўлиб ўтади.
«Криштиану жаҳон футболининг энг буюк афсоналари қаторига киради. Барчамиз унинг қандай футболчи эканлигини жуда яхши биламиз, аммо Португалия терма жамоаси фақат Роналдудан иборат эмас. Уларда ҳар бир позицияда иқтидорли ўйинчилари бўлган ажойиб жамоа ва жуда яхши мураббий бор», — деди Лукуми матбуот анжуманида.
Колумбия икки турдан кейин олти очко жамғарган ҳолда гуруҳда пешқадамлик қилмоқда. Португалия тўрт очко билан иккинчи ўринни эгаллаб турибди.
