Уругвай терма жамоаси бош мураббийи Марсело Бьелса жамоанинг жаҳон чемпионатидаги муваффақиятсизлигидан кейин ўз фикрларини билдирди.
«Мовий осмонлилар» сўнгги тур учрашувида Испания терма жамоасига минимал ҳисобда имкониятни бой беришди. Жанубий америкаликлар гуруҳда атиги икки очко жамғариб, учинчи бўлиб маррага етиб келишди ва бу натижа 1/16 финалга чиқиш учун камлик қилди.
«Мен Уругвай терма жамоасининг потенциалини очиб бера олмадим, уругвай футболига ҳеч нарса бермадим. Охир-оқибат, мураббийнинг ҳиссаси натижага қараб баҳоланади. Агар мендан бу ерда мени қандай эслаб қолишларини сўрасангиз, шундай жавоб бераман: мени ўзидан кейин ҳеч нарса қолдирмаган инсон сифатида эслашади.
Бугунги ўйин тенг курашлар остида ўтди. Биз дурангга лойиқ эдик, бир очко олишимиз керак эди», — дея ФИФА Бьелсанинг сўзларини келтирмоқда.
Испания терма жамоаси плей-офф босқичига биринчи ўрин билан йўл олди, иккинчи поғона эса Кабо-Вердега насиб этди.
