Франция терма жамоаси бош мураббийи Дидье Дешам онасининг вафоти муносабати билан юртига бориб келганидан сўнг миллий жамоа йиғинига қайта қўшилди.
Аввалроқ мутахассис яқинларининг ёнида бўлиш ва онасини сўнгги йўлга кузатиш маросимида иштирок этиш учун АҚШда жойлашган терма жамоа қароргоҳини тарк этган эди.
Шу сабабли Дешам ЖЧ-2026 гуруҳ босқичининг 3-турида Норвегияга қарши ўйинда жамоани бошқара олмади. Ушбу баҳсда Франция 4:1 ҳисобида ишончли ғалаба қозонди.
Уч тур якунларига кўра, Франция 9 очко тўплаб, I гуруҳида биринчи ўринни эгаллади ва ЖЧ-2026 1/16 финалида Швеция терма жамоасига қарши майдонга тушади.













