Хорватия терма жамоаси сардори Лука Модрич 40 ёшу 292 кунлигида жаҳон чемпионатлари тарихида энг кекса голли узатма муаллифига айланди. Бу ҳақда MisterChip ижтимоий тармоқдаги саҳифасида маълум қилди.
Тажрибали ярим ҳимоячи ЖЧ-2026 гуруҳ босқичининг 3-турида Ганага қарши учрашувда (2:1) голли узатмаси билан ажралиб турди.
Шу тариқа, Модрич ушбу мундиалда босниялик ҳужумчи Эдин Жеко томонидан ўрнатилган рекордни янгилади. Жеко Қатарга қарши ўйинда 40 ёшу 109 кунлигида голли узатма амалга оширган эди.
Жаҳон чемпионатлари тарихидаги энг кекса голли узатма муаллифлари:
-
Лука Модрич — 40 ёш 292 кун (Ганага қарши, ЖЧ-2026);
-
Эдин Жеко — 40 ёш 109 кун (Қатарга қарши, ЖЧ-2026);
-
Тьягу Силва — 38 ёш 83 кун (Жанубий Кореяга қарши, ЖЧ-2022);
-
Роже Милла — 38 ёш 51 кун (Англияга қарши, ЖЧ-1990);
-
Фриц Вальтер — 37 ёш 236 кун (Шимолий Ирландияга қарши, ЖЧ-1958).
Жаҳон чемпионати-2026. Финал босқичи. L гуруҳи, 3-тур
Хорватия — Гана — 2:1
Голлар: Сучич, 31 (1:0), Люккассен, 73 (1:1), Влашич, 83 (2:1).
