Жаҳон чемпионати-2026 гуруҳ босқичининг 3-туридан ўрин олган баҳсда Ўзбекистон миллий терма жамоаси Конго Демократик Республикасига қарши майдонга тушди.

Учрашув жамоамиз учун омадли бошланди. 10-дақиқада Элдор Шомуродов рақиб ҳимоячиларининг хатосидан унумли фойдаланиб, ҳисобни очди ва Ўзбекистонни олдинга олиб чиқди. Орадан кўп ўтмай рақиб ҳам гол урди, аммо VAR текширувидан кейин бу гол бекор қилинди.

Биринчи бўлим давомида ўзбекистонлик футболчилар тартибли ҳимояланиб, минимал устунликни сақлаб қолишди. Танаффусга қадар Абдуқодир Ҳусанов сариқ карточка олди, ҳакам эса биринчи бўлимга етти дақиқа қўшиб берди.

Иккинчи бўлимда ўйин сценарийси бутунлай ўзгарди. 66-дақиқада Конго ДР фойдасига пенальти белгиланди. Бу вазиятда Ҳусанов рақиб футболчисини ўз жарима майдони ичида йиқитди. Висса 11 метрлик жарима зарбасини аниқ бажариб, ҳисобни тенглаштирди.

Шундан сўнг рақиб ташаббусни тўлиқ ўз қўлига олди. 78-дақиқада Майеле Конго ДРни ҳисобда олдинга олиб чиққан бўлса, асосий вақтга қўшиб берилган биринчи дақиқада Висса ўзининг иккинчи голини уриб, баҳсга нуқта қўйди.

Ўзбекистон терма жамоаси иккинчи бўлимда устунликни сақлаб қола олмади ва 1:3 ҳисобида мағлубиятга учради. Шу тариқа жамоамиз Жаҳон чемпионати-2026даги иштирокини гуруҳ босқичида якунлади. Конго ДР эса нимчорак финалга йўл олди. Жанубий Корея эса ортга қайтадиган бўлди.

Жаҳон чемпионати-2026. "K" гуруҳи, 3-тур
28 июнь. Канзас-Сити (АҚШ)
Конго ДР — Ўзбекистон — 3:1
Голлар: Висса 68 (пен.), 90+1, Майеле 78 — Элдор Шомуродов 10.