Аргентина терма жамоаси ярим ҳимоячиси Жулиано Симеоне 39 ёшли ҳужумчи Лионель Мессининг Шимолий Америкада бўлиб ўтаётган Жаҳон чемпионати — 2026даги ўйин даражасини баҳолади.
«Месси ҳақида гапирадиган гапнинг ўзи қолмади, у — дунёнинг энг яхши футболчиси. У тарихдаги энг буюк ўйинчи ва буни ҳалигача исботлашда давом этмоқда. Унинг майдонда ўзига хос сеҳри бор.
Иордания билан ўйинга тўхталадиган бўлсам, кўрсатган натижамиздан қониқдим. Биз яхши ўйин ўтказдик. Гол ўтказиб юборганимиз ачинарли, албатта, лекин ғалабадан хурсандмиз», — дея ярим ҳимоячининг сўзларини Халқаро футбол федерацияси (ФИФА) матбуот хизмати келтирмоқда.
Мундиалнинг гуруҳ босқичи доирасида Месси учта учрашувда майдонга тушди ва ўз ҳисобига олтита гол ёздириб қўйишга улгурди.
