Аргентина терма жамоаси устози Лионель Скалони Жаҳон чемпионати — 2026 гуруҳ босқичи учинчи туридан ўрин олган Иорданияга қарши баҳсда ярим ҳимоячи Жовани Ло Чельсонинг кўрсатган ўйинини юқори баҳолади. Хавбек учрашувда гол уришга муваффақ бўлди ва баҳснинг энг яхши футболчиси деб топилди.
«Ло Чельсо 2022 йилги Жаҳон чемпионатида иштирок этмаган эди. У ўз имкониятини кутди. Бу бизнинг жамоамиз учун жуда муҳим футболчи. Жовани яхши ўйин намойиш этди ва гол уришга эришди. Биз у учун хурсандмиз», — дея бош мураббийнинг сўзларини «альбиселесте» матбуот хизмати келтирмоқда.
Аргентинанинг Иорданияга қарши учрашуви 3:1 ҳисобидаги ғалаба билан якунланди.
Жаҳон чемпионатининг 1/16 финалида «альбиселесте» Кабо-Верде терма жамоаси билан тўқнаш келади.
