«Манчестер Юнайтед» хавбеки Мануэль Угарте Жаҳон чемпионати — 2026 гуруҳ босқичи учинчи туридан ўрин олган Испания миллий терма жамоасига қарши баҳсда (0:1) тиззасидан жароҳат олди.
Ярим ҳимоячи майдонни замбилда тарк этди. Stretty News нашрининг хабар беришича, футболчининг олдинги хочсимон пайлари узилган бўлиши мумкин деб гумон қилинмоқда. Агар ушбу ташхис ўз тасдиғини топса, у ҳолда Угарте 9 ойдан 12 ойгача бўлган муддатни лазаретда ўтказиш хавфи остида қолади.
25 ёшли ярим ҳимоячи 2024 йилнинг август ойидан буён «қизил иблислар» шарафини ҳимоя қилиб келмоқда. Мануэльнинг манкунианликлар билан амалдаги меҳнат шартномаси 2029 йилнинг июнь ойи охирида якунига етади. Уругвайлик футболчининг бозор қиймати 25 миллион еврони ташкил этади.













