«Арсенал» клубининг бразилиялик ҳужумчиси Габриэль Жезус «Эвертон»нинг қизиқишлар доирасида қолишда давом этмоқда. Бу ҳақда Football Insider нашри хабар бермоқда.

Манба берган маълумотларга кўра, «ирислар» 29 ёшли форвардни ўз сафига қўшиб олишни ҳали ҳам исташмоқда, бироқ «канонирлар» ён босган бўлса-да, бу трансфер мураккаблигича қолмоқда. «Арсенал» Жезуснинг нархини 23–29 миллион еврогача туширди. Шундай бўлса-да, Ливерпуль клуби раҳбарияти келишувнинг умумий қийматидан, айниқса, ҳужумчининг маош бўйича талабларидан хавотирда.

Алоҳида таъкидланишича, яқин вақт ичида Бразилия ва Европанинг бошқа клублари ҳам Жезус учун курашга қўшилишади.

Якунланган мавсумда Жезус барча мусобақаларда 27 та ўйинда майдонга тушиб, 6 та гол урди ва 2 та голли узатмани амалга оширди.