Австрия терма жамоаси бош мураббийи Ральф Рангник ЖЧ-2026 гуруҳ босқичи доирасида Жазоирга қарши кечган баҳсда ҳар икки жамоа ўзаро «келишиб олган бўлиши мумкинлиги» ҳақидаги тахминларни қатъиян рад этди. Учрашув 3:3 ҳисобидаги дуранг билан якунланди ва бу натижа ҳар икки терма жамоага плей-офф йўлланмасини тақдим этди.
Учрашув ўта шиддатли ва қизиқарли якуни билан ёдда қолди: Жазоир сардори Риёд Махрез 93-дақиқада ўз жамосини ҳисобда олдинга олиб чиқди, бироқ кўп ўтмай австрияликлар ҳужумчиси Саша Калайжич мувозанатни тиклади.
«Таблода 3:3 ҳисоби қайд этилиб турганда, ҳеч ким келишилган ўйин ҳақида гапира олмайди. Айниқса, сўнгги 90 сония ичида содир бўлган воқеаларни инобатга олсак. Мен 40 йиллик мураббийлик фаолиятим давомида бу қадар драматик ривожланган бошқа бирон бир ўйинни эслай олмайман. Бу шунчаки ақл бовар қилмас воқелик», — дея Рангникнинг сўзларини ФИФА матбуот хизмати келтирмоқда.
Австрия 2 июль куни 1/16 финал босқичи доирасида Испания терма жамоасига қарши майдонга тушади.
