«Барселона» клуби 22 ёшли ярим ҳимоячи Марк Касадо билан қайси сумма эвазига хайрлашишга тайёр эканлиги маълум бўлди.

Tuttosport нашри хабар беришича, «кўк-анорранглилар» ўз футболчисини 20 миллион еврога баҳолашмоқда. Яқин вақт ичида Касадонинг хизматлари Италиянинг «Милан» клубига таклиф қилинади.

Аввалроқ, Касадонинг ўзи кўпроқ ўйин амалиётига эга бўлиш мақсадида жамоасини ўзгартиришни истаётгани ҳақида маълумотлар пайдо бўлган эди.

Якунланган мавсумда Касадо барча мусобақаларни инобатга олган ҳолда 34 та учрашувда майдонга тушди. Ушбу ўйинлар давомида хавбек битта голли узатмани ўз ҳисобига ёздириб қўйишга муваффақ бўлди.

Эслатиб ўтамиз, «Барселона» — Испаниянинг амалдаги чемпиони ҳисобланади. Ханси Флик шогирдлари чемпионатнинг 38 та ўйинида 94 очко жамғаришган.