Мадриднинг «Реал» клуби янги мавсумга тайёргарлик режасини аниқлаб олди. Mundo Deportivo нашрига кўра, жамоа 1 август куни Австриянинг Клагенфурт шаҳрида «Фиорентина»га қарши ўртоқлик ўйини ўтказади.
«Фиорентина» билан бўладиган баҳс жамоанинг янги мавсумга тайёргарлиги ва ёз давомида давом этаётган таркибни қайта қуриш жараёнидаги илк синовлардан бири ҳисобланади. Таъкидлаш жоизки, «Реал» бу ёзда катта ҳажмдаги тижорат турнесини режалаштирмаган. Тайёргарлик асосан Валдебебасда ўтади ва жамоа 13 июлдан машғулотларни бошлайди.
Терма жамоалари жаҳон чемпионатини эрта тарк этгани сабабли, баъзи футболчилар жамоага кутилганидан эртароқ қўшилади. Улар орасида Федерико Вальверде ва Арда Гюлер ҳам бор.
