«Ливерпуль» клубининг собиқ бош мураббийи Юрген Клопп Андони Ираоланинг мерсисайдликлар устози этиб тайинланишига муносабат билдирди. Германиялик мутахассиснинг фикрича, испаниялик мураббий муваффақиятли фаолият учун барча зарур фазилатларга эга, бироқ узоқ муддатли натижалар фақатгина унга боғлиқ бўлмайди.
«Андони Ираола — худди Арне Слот каби ажойиб мураббий. Аммо ҳамма нарса бир-бирига мос тушиши керак. Жамоа ва мураббий узоқ йиллар давомида бир тану бир жон бўлиб ишлаши лозим, бунинг учун эса озгина омад ҳам керак бўлади», — дея Клоппнинг сўзларини келтиради ESPN.
«Бир йил аввал жамоанинг чемпион бўлганидан жуда хурсанд бўлгандим. Кейинчалик нима нотўғри кетганини билмайман. Ўтган мавсумдан ҳеч кимнинг кўнгли тўлмади, лекин шунда ҳам клуб Чемпионлар лигаси йўлланмасини қўлга киритди, бу ҳам катта ютуқ», — дея таъкидлади германиялик мутахассис.
«Ливерпуль» АПЛнинг янги мавсумини 23 август куни сафарда «Ньюкасл»га қарши ўйин билан бошлайди.
