Франциялик ярим ҳимоячи Эдуардо Камавинга 13 июль куни Мадриднинг «Реал» клуби ихтиёрига етиб келади. Бу ҳақда Diario AS нашри хабар бермоқда.

Манбанинг маълумотларига кўра, Камавинга таътилдан қайтиши биланоқ, жамоанинг янги бош мураббийи Жозе Моуриньо билан ўз келажагини белгилаб олиш учун юзма-юз учрашув ўтказади. Томонлар ярим ҳимоячининг жамоадан кетиши ёки қолиб, мураббийни ўз имкониятларига ишонтиришга ҳаракат қилиши борасида бир қарорга келишади.

Якунланган мавсумда 23 ёшли Камавинга барча турнирларда жами 43 та учрашувда майдонга тушиб, 2 та гол урди ва 1 та голли узатмани ўз ҳисобига ёздириб қўйди.

Камавинганинг «Реал» билан амалдаги меҳнат шартномаси 2029 йилнинг ўрталаригача мўлжалланган.