Жанубий Корея терма жамоаси устози Хон Мён Бо жамоанинг 2026 йилги жаҳон чемпионатидан чиқиб кетганидан кейин миллий терма жамоадаги бошқарув постини тарк этишга қарор қилди.
Кореяликлар "А" гуруҳида учинчи ўринни эгаллашди. Хон Мён Бо шогирдлари Мексика ва ЖАР терма жамоаларига имкониятни бой беришди — ҳар икки учрашув ҳам 0:1 ҳисобидаги мағлубият билан якунланди. Жанубий Корея гуруҳ босқичининг илк турида Чехия устидан ягона ғалабасини (2:1) қўлга киритган эди. Бироқ бу натижа 1/16 финалга йўл олиш учун етарли бўлмади.
«Корея халқидан чин қалбимдан узур сўрайман. Мен терма жамоа бош мураббийлигидан кетмоқдаман. Шунга қарамай, корейс футболига бўлган муҳаббатимни йўқотганим йўқ. Терма жамоамиз фуқароларнинг ишончи ва севгисини қайта қозониши учун унга чин дилдан мухлислик қилиб қоламан», — дея мутахассиснинг сўзларини келтиради Yonhap ахборот агентлиги.
Эслатиб ўтамиз, АҚШ, Мексика ва Канада мезбонлик қилаётган жаҳон чемпионати 19 июлга қадар давом этади.
