«ПСЖ» фаол ҳаракатга ўтишдан олдин Ян Диоманденинг қарорини кутмоқда, деб хабар беради журналист Фабрис Хокинс.
Айни пайтда Париж клуби раҳбарияти «Лейпциг»нинг ивуарлик вингери трансфери бўйича ҳали аниқ қадамларни ташлагани йўқ. Агар Ян Диоманде «ПСЖ»га ўтишни устувор вазифа деб ҳисобласа, Чемпионлар лигасининг амалдаги ғолиблари музокараларга киришадилар.
Бироқ, футболчи узил-кесил қарорга келмагунча, парижликлар «Лейпциг»га расмий таклиф билан чиқишмайди. Немис клуби ҳам футболчининг ўз жавобини кутмоқда.
Ўз навбатида, «Ливерпуль» ҳам Диоманде билан шартнома имзолаш ниятида ва аллақачон «Лейпциг»га ўз таклифларини юборган.
