Бразилия терма жамоасининг собиқ ҳужумчиси Ромарио Франция терма жамоаси форварди Килиан Мбаппе бор эътиборини рақиб дарвозасига қаратиши лозимлиги сабабли ҳимояга қайтиб ишлаши шарт эмас деб ҳисоблайди.

«Очиғини айтганда, Мбаппенинг асосий вазифаси – гол уриш. Мен бир вақтнинг ўзида саккиз нафар футболчи билан ҳужум қиладиган бирорта ҳам жамоани билмайман. Бундай жамоалар шунчаки мавжуд эмас.

Агар жамоада бир йўла саккиз ўйинчи ҳужумга ўтмаса ва ҳимояда етти-саккиз киши қолса, унда Мбаппенинг албатта фаол ҳимояланишига ҳеч қандай зарурат кўрмаяпман.

У жамоага ҳимояда ёрдам бериши мумкин, аммо ундан кутиладиган энг асосий нарса – голлардир. У айнан шуни бажармоқда: Франция терма жамоасида ҳам, «Реал»да ҳам гол урмоқда.

Афсуски, якунда «Реал» титулни қўлга кирита олмади. Мен Мбаппени биринчи навбатда қандай гол уришни ўйлаши керак бўлган ҳужумкор футболчи сифатида қабул қиламан», – деди Ромарио.