Канада терма жамоаси бош мураббийи Жесси Марш миллий жамоанинг ушбу ютуғини юқори баҳолади.
Бугун Канада ярим ҳимоячи Стивен Эуштакиунинг голи эвазига Жаҳон чемпионати 1/16 финалида ЖАРни мағлуб этди (1:0) ва ўз тарихида илк бор 1/8 финал босқичига йўл олди. Жамоа ушбу босқичда Нидерландия — Марокаш жуфтлиги ғолибига қарши майдонга тушади.
Ғалабадан сўнг Марш футболчилар ва мураббийлар штабини майдон марказига йиғди.
«Бугун сиз миллий қаҳрамонларга айландингиз», – деди мураббий.
Аввалроқ Канада 1986 ва 2022 йиллардаги Жаҳон чемпионатларида иштирок этган, бироқ бирор марта ҳам гуруҳ босқичидан ўта олмаган эди.
