Бразилия терма жамоаси ва «Реал» вингери Винисиус Жуниор ирқчиликка қарши курашдаги ютуқлари у учун футбол майдонидаги муваффақиятлардан кўра муҳимроқ эканини маълум қилди.
«Футбол майдонидан ташқаридаги бу ютуқлар мен учун майдонда эришаётганларимдан кўра анча муҳимроқ. Чунки шу йўл билан мен жуда ҳам кўп одамларга ёрдам бера оламан. Албатта, ўзгаришлар секинлик билан амалга ошмоқда, лекин энг муҳими – улар давомли бўлиши ва кейинги авлод бундан азият чекмаслигидир. Менинг етти ёшли укам бор ва у ирқчиликни ўз бошидан ўтказишига тўғри келмайди деб жуда умид қиламан.
Мен футбол майдонида катта ютуқларга эришишни истайман, лекин шу билан бирга, худди мен каби ўз овозини эшиттириш имкониятига ва кучига эга бўлмаган ёш қора танли болаларга илҳом беришда давом этишни хоҳлайман», – деди Винисиус Жуниор.
