Германия терма жамоаси бош мураббийи Юлиан Нагельсман ЖЧ-2026 1/16 финалидан ўрин олган Парагвай жамоасига қарши бўлажак учрашувдан олдин фикрлари билан ўртоқлашди.
«Гуруҳ босқичида Парагвай ишончли ўйнади — голлар ўтказиб юборди, аммо шу билан бирга нималарга қодирлигини кўрсатди. Бу жисмонан жуда кучли ва ноқулай жамоа. Уларнинг услуби — ҳимоявий футбол ва улар буни яхши амалга оширишмоқда. Ҳужумда максимал даражада оддий ва тўғри ҳаракат қилишади. Биз вазиятлар яратишга ва гол уришга ҳаракат қилишимиз, рақиб дарвозаси олдида иложи борича совуққон бўлишимиз ва тўпни йўқотмаслигимиз керак. Агар бунга эриша олсак, ўйлайманки, яхши ўйин кўрсатиб, кейинги босқичга йўл оламиз», — дея Нагельсманнинг сўзларини келтиради ижтимоий тармоқдаги Bayern & Germany саҳифаси.
Футбол бўйича 2026 йилги жаҳон чемпионати АҚШ, Канада ва Мексикада 11 июндан 19 июлгача бўлиб ўтмоқда.
