Германия терма жамоаси бош мураббийи Юлиан Нагельсман ўзининг шаънига айтилаётган танқидларга муносабат билдирди. Мутахассис ЖЧ-2026 гуруҳ босқичи 3-туридан ўрин олган ва немис жамоасининг 1:2 ҳисобидаги мағлубияти билан якунланган Эквадорга қарши ўйиндан сўнг танқидлар остида қолган эди.
«Ҳамма гап жамоа ва муваффақиятда. Жамоа ичидаги мавжуд бўлган ўша яхши муҳитни майдонга кўчириш муҳим. Мен ниманидир тушунтириб беришим кераклигини ҳис қилмаяпман — менинг вазифам футболчиларга ёрдам бериш ва уларни ўйинга тайёрлашдан иборат. Кимгадир ниманидир исботлашга мажбурман деб ҳисобламайман», — дея Нагельсманнинг сўзларини келтиради ижтимоий тармоқдаги Bayern & Germany саҳифаси.
ЖЧ-2026 1/16 финалидан ўрин олган Парагвай жамоасига қарши учрашув, 30 июнь куни бўлиб ўтади. Ўйин бошланиши Тошкент вақти билан соат 01:30 га режалаштирилган.
