Италиянинг «Наполи» клуби шотландиялик ярим ҳимоячи Скотт Мактоминай борасидаги режаларини белгилаб олди. Бу ҳақда Calciomercato нашри журналистлари хабар бермоқда.

Неаполликлар жорий трансфер ойнасида футболчи билан хайрлашиш ниятида эмаслар. «Наполи» раҳбарлари Мактоминайга янги меҳнат шартномасини таклиф қилишни режалаштирмоқда. 29 ёшли ярим ҳимоячининг амалдаги шартномаси 2028 йилнинг июнь ойи охиригача мўлжалланган бўлиб, унинг бозор қиймати 40 миллион еврони ташкил этади.

Италия А Сериясининг якунланган мавсумида шотландиялик футболчи 33 та учрашувда майдонга тушди. У ўз ҳисобига 10 та гол ва 3 та голли узатмани ёздириб қўйишга муваффақ бўлди.