«Манчестер Юнайтед» вингери Маркус Рэшфорд фаолиятини қаерда давом эттиришни истаётгани бўйича бир қарорга келди.
Англиялик футболчига Премьер-лига вакиллари томонидан қизиқишлар бўлаётгани айтилса-да, футболчининг ўзи хорижда тўп суришни истамоқда. Sport нашрининг хабар беришича, 24 ёшли ўйинчи «Барселона» ва «Бавария»га ўтиш вариантларини афзал кўрмоқда. Бироқ айни дамда ҳар иккала сценарийнинг амалга ошиш эҳтимоли жуда паст деб баҳоланмоқда.
Эслатиб ўтамиз, Рэшфорд ўтган мавсумни ижара асосида «Барселона»да ўтказган эди. Каталонияликлар футболчини 30 миллион еврога сотиб олиш ҳуқуқини фаоллаштирмасликка қарор қилишди, «Манчестер Юнайтед» эса бу масалада ён беришни истамади. Айни пайтда «қизил иблислар» тарбияланувчисига «Тоттенхэм» клуби ҳам даъвогарлик қилмоқда.
