«Марсель» клубининг 24 ёшли вингери Мэйсон Гринвуд Саудия Арабистони клубларидан келиб тушган жуда фойдали ва молиявий жиҳатдан бақувват таклифларни рад этди. Бу ҳақда инсайдер журналист Саша Тавольери маълум қилди.

Манба берган маълумотларга кўра, англиялик футболчини ўз сафига қўшиб олишга «Ал-Аҳли», «Ал-Қодисия» ва «Ал-Дирия» клублари уриниб кўришган, бироқ уларнинг барчаси рад жавобини олган. Футболчи учун курашда Туркиянинг «Фенербахче» клуби қолмоқда. Истанбулликлар Гринвуд билан музокараларни давом эттиришмоқда ва футболчи билан тўлиқ келишувга эришишга интилишмоқда.

Ортда қолган мавсум Гринвуд учун жуда муваффақиятли кечди. Ҳужумчи барча турнирларда жами 45 та учрашувда майдонга тушиб, 26 та гол урди ва 11 та голли узатмани ўз ҳисобига ёздириб қўйди.

Transfermarkt мутахассислари айни пайтда футболчининг трансфер қийматини 55 миллион еврога баҳолашмоқда.