«ПСЖ» ҳужумчиси Рандаль Коло Муани фаолиятини «Ювентус»да давом эттириши мумкин. Бу ҳақда таниқли инсайдер Фабрицио Романо хабар бермоқда.
Манбанинг хабарига кўра, Турин клуби 27 ёшли франциялик футболчи билан шахсий шартнома шартларини келишиб олган ва парижликлар билан расмий музокараларга киришган.
Эслатиб ўтамиз, Коло-Муани аввалроқ — 2024/25 йилги мавсумнинг иккинчи ярмида ижара асосида «Ювентус» шарафини ҳимоя қилган эди. Ўшанда у 22 та учрашувда майдонга тушиб, 10 та гол урган ва 3 та голли узатмани амалга оширган.
Маълумот учун, 2023 йилда «Ювентус» «Айнтрахт» клубига Коло Муани учун 95 миллион евро тўлаган эди. Ортда қолган мавсумда эса форвард Англиянинг «Тоттенхэм» клубида ижара асосида тўп сурди.
