«PSJ» hujumchisi Randal Kolo Muani faoliyatini «Yuventus»da davom ettirishi mumkin. Bu haqda taniqli insayder Fabrisio Romano xabar bermoqda.
Manbaning xabariga ko‘ra, Turin klubi 27 yoshli fransiyalik futbolchi bilan shaxsiy shartnoma shartlarini kelishib olgan va parijliklar bilan rasmiy muzokaralarga kirishgan.
Eslatib o‘tamiz, Kolo-Muani avvalroq — 2024/25 yilgi mavsumning ikkinchi yarmida ijara asosida «Yuventus» sharafini himoya qilgan edi. O‘shanda u 22 ta uchrashuvda maydonga tushib, 10 ta gol urgan va 3 ta golli uzatmani amalga oshirgan.
Ma’lumot uchun, 2023 yilda «Yuventus» «Ayntraxt» klubiga Kolo Muani uchun 95 million yevro to‘lagan edi. Ortda qolgan mavsumda esa forvard Angliyaning «Tottenxem» klubida ijara asosida to‘p surdi.
