Жорий Жаҳон чемпионати — 2026 нинг асосий сенсацияси Кабо-Верде терма жамоасининг кўрсатаётган натижаларидир. Ўзбекистон футбол федерациясининг собиқ ходими Алишер Никимбаев шундай фикр билдирди.
«Кабо-Верде раҳбарияти билан шахсий суҳбатларимдан келиб чиқиб айта оламанки, улар ҳали турнир бошланмасидан олдиноқ гуруҳдан чиқишларига ишонишганди. Эҳтимол, мана шу ишонч ва юқори кайфият ўз сўзини айтгандир», — дея экспертнинг сўзларини келтиради Metaratings.ru.
Кабо-Верде терма жамоаси дунё биринчилигининг гуруҳ босқичида уч бор дуранг ўйнади — Испания (0:0), Уругвай (2:2) ва Саудия Арабистони (0:0) билан. Энди нимчорак финалда (1/16 финал) оролликлар «J» гуруҳидаги учта ўйиннинг барчасида умумий 8:1 ҳисобида ғалаба қозонган Аргентина терма жамоасига қарши майдонга тушади.
