«Манчестер Юнайтед» вингери Амад Диалло ёзги трансфер ойнасида клубни тарк этмайди.
«Қизил иблислар» раҳбарияти ивуарлик футболчини «дахлсиз» деб ҳисобламоқда, дея хабар беради нуфузли инсайдер Фабрицио Романо. 23 ёшли футболчига трансфер бозорида харидорлар топилади, бироқ у бўйича келиб тушадиган таклифлар умуман кўриб чиқилмайди. Клуб Амадни асосий таркибнинг муҳим ўйинчиси сифатида кўрмоқда.
Эслатиб ўтамиз, 2025 йилнинг бошида Диалло «Манчестер Юнайтед» билан 2030 йилгача мўлжалланган янги шартнома имзолаган эди. Якунланган мавсумда футболчи манкунианликлар сафида 33 та учрашувда майдонга тушиб, ўз ҳисобига 2 та гол ва 4 та голли узатмани ёздириб қўйган.
