«Барселона» клуби «Бавария» ҳужумчиси Харри Кейнни сотиб олишни режалаштирмаяпти.
Яқинда Англиядаги манбалар «кўк-анорранглилар» 32 ёшли юлдузнинг вакиллари билан алоқага чиққани ҳақида хабар тарқатган эди. Испаниянинг Diario Sport газетаси берган маълумотларга кўра, тарқалган миш-мишларга қарамай, «Барселона» Кейнни ўзининг трансфер мақсади деб ҳисобламайди. Каталония клуби ҳужумчи борасида маълумот сўраган, бироқ футболчининг атрофидагилар унинг «Бавария»ни тарк этиш нияти йўқлигини аниқ тушунтиришган. Шу сабабли Ла Лига грандининг унга бўлган қизиқиши совуган.
«Барселона»нинг асосий трансфер мақсади сифатида ҳанузгача Мадриднинг «Атлетико» клуби ҳужумчиси Хулиан Альварес тилга олинмоқда. Унинг трансфери каталонияликларга 150 миллион еврога тушиши мумкин.
